Во Украина загинати 143 деца, а повеќе од 200 се повредени

Амбасадата на Украина во Србија денеска ги објави податоците на генералниот обвинител на таа земја, според кои во воената акција на Русија на територијата на Украина загинале 143 деца, а 216 се ранети.

Во бомбардирањето и гранатирањето оштетени се 733 образовни институции во Украина, а 74 се целосно уништени, се наведува во соопштението.

Додаваат дека најлоша е ситуацијата во регионите Доњецк, Харков, Миколаев, Суми, Киев, Керсон, Чернихив и градот Киев.

Овие податоци, според надлежните не се конечни, бидејќи не е можно да се проверат местата на гранатирање во областите на активни воени дејствија и на привремено окупираните територии, соопштила украинската амбасада.