Големи поплави во Квинсленд – стотици Австралијци евакуирани

Неколку стотици Австралијци добија инструкции да се евакуираат од своите домови бидејќи државата Квинсленд се соочува со нова вонредна состојба поради поплавите.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Денеска беа издадени повеќе од десет предупредувања, во кои од жителите на одредени региони се бара да ги исчистат своите домови и да се евакуираат, доколку е потребно, јави Би-Би-Си.

На почетокот на неделава едно лице го загуби животот поради поплавите. Бурата сега се пресели во најнаселениот јужен дел на Квинсленд, каде се наоѓа главниот град Бризбејн.

Во февруари, Квинсленд беше уништен од поплавите кои однесоа 13 животи и зафатија 20.000 домови. Уште девет лица загинаа во поплавите во соседната држава Нов Јужен Велс.

Метеоролозите предвидуваат дека ќе бидат излеани неколку реки.

Некои градови во долината Локер западно од Бризбејн веќе се под вода, а главниот автопат е отсечен.

Градоначалничката на долината Локјер, Тања Милиган, рече дека се очекува да бидат погодени 260 домови во регионот откако 68 беа поплавени во февруари.

„Ова ја уништува душата, тоа е апсолутно погубно“, изјави таа за АБЦ, пренесуваат медиумите.