пред 3 часа Парламентот на Гренланд одобри договор со САД и Данска за зајакнување на безбедноста на Арктикот и во северниот Атлантик, по повеќемесечниот притисок од американскиот претседател Доналд Трамп, кој повеќепати бараше островот да стане дел од САД, пренесува АП.
Договорот овозможува отворање нови американски воени бази на Гренланд, кој останува дел од Кралството Данска. Целта е да се зголеми американското воено присуство во регионот и да се намалат тензиите предизвикани од барањата на Трамп.
За договорот гласале 16 пратеници, никој не бил против, а седуммина биле воздржани. Тој ќе остане во сила дури и ако Гренланд во иднина прогласи независност од Данска.
Договорот бил потпишан во септември од Трамп, данската премиерка Мете Фредериксен и премиерот на Гренланд Јенс-Фредерик Нилсен, на маргините на Генералното собрание на ОН во Њујорк.
За договорот треба да расправа и данскиот парламент подоцна овој месец, а ќе стапи во сила по завршувањето на потребните парламентарни процедури.
Текстот Гренланд одобри безбедносен договор со САД и Данска за зајакнување на военото присуство на Арктикот е превземен од МАКФАКС.
Би можело да ве интересира
Страшни сведоштва од болница во Сирија: „Пукаа во пациентите додека спиеја“
20 загинати во пожар во дом за стари лица во Кина
Утре пресуда за Французинот кој донесе 50 мажи да ја силуваат неговата сопруга
Се урна конструкција на рингишпил, повредени 13 деца од кои едно е во животна опасност во Куршумлија
Отворањето на хуманитарниот коридор е нов почеток
Најстариот Французин почина од ковид на 112 години
