Жената што пукаше кон куќата на Ријана е обвинета за обид за убиство на пејачката

Жена е обвинета за обид за убиство на пејачката Ријана по пукањето во нејзиниот дом во Лос Анџелес. Ријана била дома со својот партнер A$AP Rocky и нивните три деца во времето на нападот, кој се случил во недела, но никој не бил повреден, објави Скај њуз.

Обвинета за низа кривични дела
Ивана Лисет Ортиз, 35, од Орландо, Флорида, беше изведена пред суд во вторник. Покрај обид за убиство, таа е обвинета за десет точки за напад со полуавтоматско огнено оружје и три точки за пукање во дом.

Трите точки за пукањето се однесуваат на домот на Ријана, приколката во која пејачката била во времето на нападот и имотот на нејзиниот сосед. Обвиненијата за напад се однесуваат на Ријана, нејзиното семејство, двајца членови на персоналот и две лица во куќата веднаш до неа. Мајката на Ријана исто така била во домот во времето на инцидентот.

Кауцијата е одредена на 1,8 милиони долари
Деталите за инцидентот, како и можниот мотив на осомничената, не беа откриени на суд. Нејзиниот адвокат, Џамаркус Бредфорд, првично се изјасни за невин во нејзино име, но таа изјава беше повлечена пред сослушувањето за признавање на вина подоцна овој месец.

Ортиз е притворена со кауција од 1,8 милиони долари. Интересно е што сослушувањето се одржа во судница само неколку ката подолу од онаа каде што минатата година беше суден раперот A$AP Rocky.

Текстот Жената што пукаше кон куќата на Ријана е обвинета за обид за убиство на пејачката е превземен од МАКФАКС.