За Германците доаѓа поевтино гориво, данокот се намалува за 17 центи по литар

Германскиот Бундестаг го одобри второто привремено намалување на данокот на гориво оваа година. Оваа мерка ќе ги чини федералната држава и сојузните покраини 2,5 милијарди евра. Одлуката треба да биде потврдена од Бундесратот, горниот дом на парламентот што ги претставува сојузните покраини, пишува „Ројтерс“.

Владата ќе го намали данокот на бензин и дизел за 17 центи по литар. Мерката ќе важи од почетокот на октомври до крајот на декември, а нејзината цел е да го ублажи товарот од високите цени на горивото, кои значително пораснаа поради војната во Иран. Бидејќи не се гледа крај на конфликтот на Блискиот Исток, германската влада повторно воведува мерки за олеснување за потрошувачите и бизнисите, слични на оние воведени претходно оваа година.

Одлуката има за цел да го ублажи незадоволството на јавноста и да го спречи растот на популарноста на екстремната десница. Слични намалувања на данокот на гориво беа на сила во мај и јуни. Таа интервенција ја чинеше државата 1,6 милијарди евра, а за време на нејзиното спроведување беше забележано забавување на инфлацијата.

Текстот За Германците доаѓа поевтино гориво, данокот се намалува за 17 центи по литар е превземен од МАКФАКС.