пред 3 години Зградата на Владата на Косово синоќа беше осветлена со знамето на Украина во знак на солидарност со таа земја откако Русија ги призна украинските сепаратистички региони Доњецк и Луганск.
Косовскиот премиер Албин Курти во објава на Твитер рече дека „колку и да се темни времињата или колку е тешка борбата, историјата ги фаворизира праведниците“.
– Во овој критичен момент за украинскиот народ ја осветливме зградата на Владата за да ја покажеме солидарноста на народот на Косово со народот на Украина – напиша Курти.
Претходно вчера премиерот Курти изјави дека Владата на Косово го поддржува суверенитетот, независноста и територијалниот интегритет на Украина. Тој нагласи дека Косово секогаш ќе биде координирано со Европската унија, САД и НАТО.
Потсетуваме дека Русија ги призна украинските сепаратистички региони Доњецк и Луганск.
Лидерите на Европската унија и НАТО, како и бројни земји, остро го осудија чинот на Путин, ја повторија својата поддршка за Украина и најавија заедничка реакција.
Би можело да ве интересира
Шпанскиот крал Фелипе Шести е заразен со коронавирус
Макрон: Франција и Германија не го напуштаат дијалогот со Москва
Задолжително неделно тестирање за невакцинираните, во Грција нови мерки против коронавирусот
Најмалку 950 заразени на фестивал во Холандија каде се влегуваше со ковид сертификати
Во ресторан во Загреб откриени респиратори украдени во Шведска
Во Франција се вакцинирани 1,86 милиони луѓе
