пред 6 часа Од канцеларијата на 14-тиот Далај Лама (Тенцин Ѓацо) денес соопштија дека духовниот водач никогаш не се сретнал со Џефри Епстин. Реакцијата следи откако кинески државни медиуми објавија дека неговото име се појавува во т.н. „Досиеја на Епстин“.
Американското министерство за правда објави милиони документи, а според прегледот на агенцијата АФП, името на Далај Лама се споменува 154 пати, но не постојат никакви докази или спомнување на лична средба со Епштајн.
CGTN, кинески државен медиум, објави дека во е-пошта од 2012 година се споменува присуство на Далај Лама на настан на еден од островите поврзани со Епстин, но од неговиот кабинет остро го демантираат тоа.
„Можеме недвосмислено да потврдиме дека Неговата светост никогаш не го запознал Џефри Епстин и никогаш не овластил никого да комуницира со него во негово име“, се наведува во соопштението.
Инаку, Далај Лама живее во егзил во северна Индија уште од 1959 година кога побегнал од Тибет по насилно задушеното востание од кинеските власти. Има милиони следбеници ширум светот.
Текстот Канцеларијата на Далај Лама: Никогаш не сe сретнале со Џефри Епстин е превземен од МАКФАКС.
Би можело да ве интересира
Драстичен пад на производството на вотка во Русија, граѓаните се префрлаат на рум, виски и текила
Сандерс: Израел има за цел да ги елиминира Палестинците, а не Хамас
Велика Британија започнува ново истражување: Поранешни пациенти повторно ќе бидат заразени со коронавирус
Албанскиот претседател го обвини Рама дека нема план за вакцинација
Вирусот ебола повторно се појави во Конго
Стотици жени протестираа против Лукашенко во Белорусија
