Лекорни: Франција ослободува 10 милиони барели дизел од резервите

Франција ќе ослободи 10 милиони барели дизел од своите стратешки резерви за да влијае на цените на бензинот, за кои се очекува „автоматски да паднат“ за 12 до 18 центи по литар, изјави вечерва премиерот Себастијан Лекорни.

Ова соопштение следеше по договорот постигнат минатата недела од земјите од Г7 за ослободување на 100 милиони барели нафтени деривати од стратешките резерви во период од четири месеци.

Ова е мерка што ја спомена и Лекорни, покрај дипломатските напори на претседателот Емануел Макрон насочени кон обезбедување снабдување со гориво, објави парискиот весник „Монд“.

Владата ќе им стави на располагање на дистрибутерите во Франција 10 милиони барели дизел од нашите залихи, што е операција планирана за период од три месеци, рече Лекорни.

Текстот Лекорни: Франција ослободува 10 милиони барели дизел од резервите е превземен од МАКФАКС.