Макрон повика на смирување меѓу САД и Иран

Францускиот претседател, Емануел Макрон ги повика САД и Иран на деескалација по зголемените тензии во Ормускиот теснец, нагласувајќи дека решението мора да биде дипломатско.

Тој оцени дека двете страни направиле грешки – САД со блокадата, а Иран со променливиот став за теснецот низ кој минува околу една петтина од светската нафта и гас.

Макрон изјави дека Франција не била директна цел на нападите врз бродови и повика на целосно и безусловно отворање на теснецот.

Воедно, рече дека е „разумно оптимистичен“ за исплата на 90 милијарди евра европски заем за Украина, по политичките промени во Унгарија.

Дополнително, Франција и Полска ја продлабочуваат соработката во одбраната и технологијата, вклучително и развој на воен сателит, додека Европа бара алтернативи за да ја намали зависноста од „Старлинк“.

Текстот Макрон повика на смирување меѓу САД и Иран е превземен од МАКФАКС.