ОН предупредува дека во Појасот Газа има храна за само уште две недели

Светската програма за храна на Обединети нации денеска предупреди дека во Појасот Газа има храна за само уште две недели, а  стотици илјади луѓе се изложени на ризик од тежок глад и неисхранетост.

Агенцијата со седиште во Рим соопшти дека има околу 5.700 тони резерви храна во Појасот Газа, што е доволно за две недели.

Израел повторно ја блокираше хуманитарната помош и ги продолжи воените операции врз палестинската енклава пред повеќе од една недела, прекршувајќи го прекинот на огнот.

Според ОН поради обновените израелски операции, само за седум дена се раселиле 142.000 луѓе.

Текстот ОН предупредува дека во Појасот Газа има храна за само уште две недели е превземен од МАКФАКС.