пред 3 години Руската Централна изборна комисија денеска ги потврди резултатите од гласањето за Државната дума, односно изборите одржани од 17-19 септември, според кои најмногу места 324, освоила Единствена Русија, чиј член е и претседателот Владимир Путин.
„Конечните протоколи на изборната комисија во врска со Државната дума правично го покажуваат исходот од гласањето. Резултатите се валидни“, рече директорката на ЦИК, Ела Памфилова, а пренесува агенцијата ТАСС.
Во долниот дом на рускиот парламент, исто така влегуваат и Комунистичката партија (57 места), Праведна Русија (27), Либерално -демократската партија (21) и Новиот народ (13).
Три партии (Родина, Партијата за раст и Граѓанска платформа) ќе имаат по еден пратеник, а во Думата ќе влезат и уште пет независни пратеници.
Единствена Русија освои 343 места на изборите во 2016 година, потсетува ТАСС.
Би можело да ве интересира
Зеленски незадоволен од санкциите против Русија
Поранешен руски премиер: Преговорите се само камуфлажа, Путин глуми
Продолжува хаосот на улиците во Канада – уапсени повеќе од 100 лица
Во Србија 7.271 новозаразени со коронавирус, 46 лица починаа
Хрватска има 1,3 милиони неискористени дози вакцини
Асад за конфликтот во Нагорно-Карабах: Ердоган е главен поттикнувач и провокатор
