пред 6 часа Полскиот регулатор за заштита на конкуренцијата UOKiK отвори истрага против „Гугл“ поради сомневање дека компанијата ја злоупотребила својата доминантна позиција во преговорите со полските медиуми за плаќање за нивната содржина.
Според регулаторот, „Гугл“ не им обезбедувал на издавачите доволно информации за да можат да ги проценат неговите понуди и рамноправно да преговараат за надоместоците за содржините што се појавуваат во резултатите од пребарувањето, Google News и Discover.
„Големите технолошки компании не можат да бидат над законот“, изјави претседателот на UOKiK, Томаш Хростни. Тој оцени дека поради недостигот на информации, издавачите практично биле принудени да ги прифаќаат условите што ги поставувал Google.
Истрагата ги опфаќа Alphabet Inc., Google LLC, Google Ireland Limited и Google Poland. Компаниите не одговориле веднаш на барањето на Reuters за коментар.
Доколку се утврди злоупотреба на доминантната позиција, казната може да достигне до 10 отсто од приходите на компанијата.
Постапката е одвоена од истрагата што Европската комисија ја отвори во декември 2025 година за да утврди дали Google користи содржини од медиумските издавачи за услуги базирани на вештачка интелигенција без соодветен надомест.
Текстот Полска отвори истрага против „Гугл“: Технолошките гиганти не можат да бидат над законот е превземен од МАКФАКС.
Би можело да ве интересира
Медведев до Швајцарија: Ти благодарам, земјо на сирењето и часовниците
(Видео) Снимки од полициската акција во Грчец
Русите пристигнаа на преговори, се чекаат Украинците
Рекорден број заболени од коронавирус во Србија, починаа 45 лица
(Видео) Нов потрес кај Петриња, земјата се тресела десетина секунди
Фајзеровата вакцина одобрена во Франција
