Поранешен француски претседател: САД, Русија и Кина вршат притисок врз Европа

Поранешниот претседател на Франција, Франсоа Оланд, оцени дека Европа се соочува со „егзистенцијална криза“ и дека е изложена на силен притисок од големите светски сили – Соединетите Американски Држави, Кина и Русија.

Оланд во интервју за шпанскиот „Ел Паис“ изјави дека светот е во сè поопасен и суров период, во кој европскиот континент стана цел на притисок од големите сили.

Според неговото мислење, претседателските избори во Франција во 2027 година ќе имаат значење кое ги надминува националните рамки, бидејќи нивниот исход ќе влијае и на идната позиција на Европа во меѓународните односи.

Зборувајќи за зајакнувањето на десничарските и евроскептичните партии, Оланд оцени дека нивната стратегија повеќе не е нужно насочена кон излегување на поединечни земји од Европската Унија, туку кон промена на самата Унија одвнатре.

Тој истакна дека ваквите политички сили се обидуваат да влијаат на прашањата за миграцијата, дигиталната регулатива, односите со НАТО и Русија, како и на заедничките европски политики.

Поранешниот француски претседател ја критикуваше и радикалната левица, оценувајќи дека политиката на силни поделби може да и користи на Националното собрание на Марин Ле Пен.

Оланд се осврна и на политичкото наследство на сегашниот претседател Емануел Макрон, чиј втор мандат истекува следната година. Пред претседателските избори, Франција се соочува со силни политички и економски притисоци, вклучувајќи висок буџетски дефицит и зголемени трошоци за задолжување.

Оланд посвети посебен дел од интервјуто на односите меѓу Европа и САД, велејќи дека европските земји повеќе не можат безусловно да сметаат на своите традиционални сојузници.

„Европејците мора да ги извлечат сите последици од оваа дистанца. Не да ги прекинат односите, туку да ја гарантираат сопствената безбедност, да ја заштитат својата индустрија и да го зачуваат суверенитетот над своите технологии“, рече Оланд.

Тој додаде дека Европа мора да ги развие своите индустриски и технолошки капацитети, како и способноста понезависно да се грижи за одбраната и безбедноста.

„Сè стана рамнотежа на моќ“, заклучи поранешниот француски претседател.

„Европејците мора да ги извлечат сите последици од оваа дистанца. Не да ги прекинат односите, туку да ја гарантираат сопствената безбедност, да ја заштитат својата индустрија и да го зачуваат суверенитетот над своите технологии“, рече Оланд.

Тој додаде дека Европа мора да ги развие своите индустриски и технолошки капацитети, како и способноста понезависно да се грижи за одбраната и безбедноста.

„Сè стана рамнотежа на моќ“, заклучи поранешниот француски претседател.

Текстот Поранешен француски претседател: САД, Русија и Кина вршат притисок врз Европа е превземен од МАКФАКС.