Првата дама на Франција поднесе тужба против две жени кои тврдат дека се родила како маж

Сопругата на францускиот претседател Брижит Макрон поднесе тужба против две жени кои ширеле дезинформации на интернет дека првата дама е родена како маж.

Првото рочиште во таа постапка е закажано за 15 јуни.

Две жени, едната претставувајќи се како пророк, а другата како независна новинарка, пријавиле дека Брижит Макрон е трансродова личност.

Кон тужбата се приклучија братот и трите деца на првата дама, а се однесува на нарушување на приватноста и злоупотреба на фотографии.

Веќе неколку месеци на социјалните мрежи се појавуваат информации според кои Брижит Макрон со моминско презиме Троње е родена како маж и се викала Жан Мишел.