Првата порака на новиот претседател на Финска: Да се ​​фокусираме на членството во НАТО, а не на Трамп

Првата порака на новиот претседател на Финска: Да се ​​фокусираме на членството во НАТО, а не на Трамп

пред 2 недели

Новоизбраниот претседател на Финска, Александар Стуб  изјави дека неговата земја треба да остане смирена и да се фокусира на членството во НАТО, и покрај неодамнешните коментари на поранешниот американски претседател Доналд Трамп за воената алијанса.

„Изборните кампањи во САД се многу различни од изборите во Финска, а употребената реторика е многу посилна. Мислам дека во оваа фаза е најдобро да останеме смирени и да се фокусираме на градењето на нашето членство во НАТО“, рече Стуб на конференцијата за новинарите, објави Ројтерс.

Трамп, фаворит да стане републикански кандидат на изборите во ноември, минатата недела изјави дека нема да ги заштити членките на НАТО од иден руски напад доколку тие не придонесат доволно за алијансата.

Стуб тесно победи на претседателските избори во Финска вчера и ќе ја преземе функцијата на 1 март на која ќе биде задолжен за безбедноста и надворешната политика, вклучувајќи го неодамна одобрениот став кон Русија, со која таа дели  граница.

Текстот Првата порака на новиот претседател на Финска: Да се ​​фокусираме на членството во НАТО, а не на Трамп е превземен од МАКФАКС.

Share
Scroll to Top