Путин: Жалам што не ја нападнав Украина порано

Русија требаше порано да започне активни акции во Украина, но долго време се обидуваше да го реши конфликтот по мирен пат и се потпираше на чесноста на своите противници, изјави претседателот Владимир Путин во интервју за новинарот Павло Зарубин. Видеото од интервјуто е објавено на каналот на Телеграм на Кремљ.

„Единственото нешто за што можеме да жалиме е што не ги започнавме нашите активни акции порано, верувајќи дека имаме работа со пристојни луѓе“, рече Путин, опишувајќи ја ситуацијата околу Украина, пренесува руската државна агенција ТАСС.

Путин рече дека Русија во првата фаза се обидела да го реши конфликтот во Донбас по мирен пат, односно со договорот од Минск.

„Подоцна се покажа дека сме измамени во врска со тоа, бидејќи и поранешната германска канцеларка и поранешниот француски претседател отворено признаа во јавноста дека никогаш не планирале да ги исполнат договорите.

„Наместо тоа, тие купуваа време за да му достават повеќе оружје на режимот во Киев, што е токму она што го направија“, рече Путин, пренесе ТАСС.

Текстот Путин: Жалам што не ја нападнав Украина порано е превземен од МАКФАКС.