Путин по разговорот со Макрон: Постигнат е одреден напредок, но рано е да се зборува за тоа

Рускиот претседател Владимир Путин изјави дека е постигнат напредок за време на разговорите со францускиот претседател Емануел Макрон во врска со украинската криза.

Путин рече дека некои од предлозите на Макрон би можеле да послужат како основа за идните чекори, нагласувајќи дека е рано да се зборува за тоа.

Макрон и Путин повторно ќе разговараат по денешната посета на францускиот претседател на Киев, каде што ќе разговара со неговиот украински колега Володимир Зеленски.

Путин подоцна ги повтори своите претходни предупредувања дека Европа може да биде вовлечена во голем конфликт доколку Украина се приклучи на НАТО и се обиде да го заземе Крим со сила.

Макрон истакна дека наредните денови ќе бидат од клучно значење за деескалација на украинската криза. Макрон и Путин поминаа повеќе од пет часа разговарајќи за време на ручекот, кој се состоеше од месо од ирваси со слатки компири и боровинки.