пред 3 години Руската амбасада во Вашингтон побара од САД официјално да ја објаснат и осудат изјавата на сенаторот Линдзи Греам за рускиот претседател Владимир Путин.
Сенаторот Греам, републиканец кој ја претставува Јужна Каролина во американскиот Сенат, претходно на Твитер праша дали Русија го има Брутус или има поуспешен полковник Стауфенберг во руската армија, познат по обидот да го убие Хитлер.
„ Единствениот начин да се стави крај на ова е некој да го отстрани тој човек (Путин). Ќе си направиш голема услуга на себе и на целиот свет“, напиша Греам.
„ Бараме официјално објаснување и остра осуда на криминалните изјави на тој Американец“, соопшти руската амбасада на Фејсбук.
Според рускиот амбасадор Анатолиј Антонов, изјавата на Греам е неприфатлива и нечуена, пренесува РИА Новости.
„ Невозможно е да се поверува дека сенатор на земја која ги проповеда своите морални вредности како „ѕвезда водилка“ за целото човештво може да си дозволи да повикува на тероризам како начин за постигнување на целите на Вашингтон на меѓународната сцена“, рече Антонов.
Тој додаде дека се плаши за судбината на САД, на чие чело, како што наведе, се „толку неодговорни и непрофесионални политичари“.
Би можело да ве интересира
Катар: Продолжуваат преговорите меѓу Израел и Хамас
Поранешниот шеф на НАСА: Мора да продолжиме да работиме со Русија, ние сме тим
Урсула фон дер Лајен и Борел пристигнаа во Киев, ќе разговараат со Зеленски
Илјадници демонстранти пристигнаа во Париз, полицијата подготви оклопни возила и водени топови
Во немирите во Казахстан загинаа осум полицајци, а 317 се повредени
(Видео) Маж со секира држеше во заложништво шест деца во Русија
