пред 3 години САД ќе побараат од Генералното собрание на Обединетите нации да ја суспендира Русија од Советот за човекови права, изјави денеска американскиот амбасадор во ОН.
„Учеството на Русија во Советот за човекови права е фарса. И тоа е погрешно, затоа веруваме дека е време Генералното собрание на ОН да гласа за неjзино отстранување“, рече Линда Томас-Гринфилд за време на посетата на Романија, пренесува „Ројтерс“.
Од почетокот на руската акција во Украина, Генералното собрание на ОН усвои две резолуции со најмалку 140 гласа „за“, со кои се осудува Русија.
„Мојата порака за тие 140 земји кои храбро застанаа заедно е дека сликите од Буча и уништувањето низ Украина бараат од нас сега да ги усогласиме нашите зборови со акцијата“, рече таа.
Во саботата на интернет се појави видео на кое се гледаат тела на улиците на градот Буча, недалеку од Киев.
Русија ги отфрли обвинувањата дека нејзините сили извршиле злосторства врз 20 цивили.
Би можело да ве интересира
Австралија ги олабавува мерките, а блокадите во Оукланд остануваат уште две недели
Дресирани кучиња спасија три семејства со деца, кои беа одвлечени од морски струи во Тиренското море
Токио пријави рекорден број на новозаразени со коронавирус сред Олимписките игри
Австриски министер: Ердоган долева масло на оган
Словачкиот министер за здравство поднесе оставка поради набавката на руската вакцина
Во Словенија опаѓа бројот на новозаразени, но нема ублажување на мерките
