САД под водство на Трамп поништија рекордни 300.000 визи

САД поништија повеќе од 300.000 визи откако Доналд Трамп се врати на функцијата, потврди вчера висока претставничка на Стејт департментот.

Мора Намдар, помошник државен секретар за конзуларни прашања, објави на социјалната мрежа X:

„Поништени се повеќе од 300.000 визи, а таа бројка продолжува да расте. Пораката до имателите на визи е едноставна: почитувајте ги нашите закони, во спротивно ќе ја изгубите привилегијата да патувате во Соединетите Американски Држави“.

300,000+ visa revocations and counting. Our message to visa holders is simple: respect our laws or lose the privilege of traveling to the United States. Under @POTUS and @SecRubio safeguarding our country and the American people comes first, today and every day.

— Assistant Secretary Mora Namdar (@ASMoraNamdar) October 20, 2026

„Под водство на претседателот Трамп и државниот секретар Рубио, заштитата на нашата земја и на американскиот народ е наш главен приоритет – денес и секој ден“, додаде Намдар.

Во нејзината објава беше вклучена и порака од Белата куќа во која се наведува дека „администрацијата на Трамп поништила повеќе визи, и тоа побрзо, од која било друга администрација во историјата“.

Портпаролот на Стејт департментот, Томи Пигот, на платформата X појасни дека поништувањето на визите се однесува на странски државјани кои се вклучени во незаконски активности или претставуваат закана за националната безбедност.

With over 300,000 revocations, the Trump administration has revoked more visas at a faster pace than any administration in history.

Let the message be clear: we have zero tolerance for foreigners here on visas who break the law, commit fraud, or undermine our national security. We are taking, and will continue to take, action to keep our borders, and our nation, secure.

https://t.co/DrnIYI8ti4

— Tommy Pigott (@statedeptspox) October 20, 2026

„Имаме нулта толеранција кон странски државјани кои престојуваат овде врз основа на виза, а ги прекршуваат законите, вршат измами или ја загрозуваат нашата национална безбедност“, рече тој.

Текстот САД под водство на Трамп поништија рекордни 300.000 визи е превземен од МАКФАКС.