Стармер: Договор со Иран е најдобриот пат напред

Британскиот премиер Кир Стармер изјави дека договор со Иран е најдобриот пат напред за решавање на конфликтот на Блискиот Исток, пренесе „Гардијан“.

Тој нагласи дека Велика Британија прави „сѐ што може“ за да се смири ситуацијата и ја бранеше одлуката земјата да не се приклучи на првичните американски и израелски напади врз Иран.

„Долгогодишниот став на Британија е дека најдобриот пат – и за режимот и за светот – е договор со Иран според кој тие би се откажале од своите нуклеарни амбиции“, изјави Стармер.

Тој додаде дека Велика Британија ќе ја искористи својата воена и дипломатска моќ за заштита на британските граѓани и сојузниците во регионот.

Во меѓувреме, британските власти работат и на евакуација на граѓани од регионот, а Стармер предупреди дека операцијата е голема и дека ќе потрае извесно време.’

Фото: Depositphotos

Текстот Стармер: Договор со Иран е најдобриот пат напред е превземен од МАКФАКС.