пред 3 часа Гувернерот на Ниигата, Хидео Ханазуми, одобри делумно рестартирање на нуклеарната централа Кашивазаки–Карива, најголемата во светот по капацитет, јави „Ројтерс“. Со тоа се отстранува последната голема пречка за ТЕПКО, кој планира повторно да ги активира реакторите 6 и 7. Ханазуми најави гласање за доверба во префектурното собрание и истакна дека остануваат прашања поврзани со безбедноста и со подготвеноста за инциденти.
Двата реактори имаат капацитет од 2.710 MW, околу една третина од вкупниот капацитет на електраната. ТЕПКО веќе ги заврши инспекциите на реакторот 6, што би било прво рестартирање на компанијата по Фукушима во 2011 година.
Одлуката доаѓа во услови на растечка побарувачка за електрична енергија во Јапонија. Аналитичарите проценуваат дека вклучувањето на реакторот 6 би можело да го намали увозот на LNG за до 4 милиони тони во 2026 година. ТЕПКО во меѓувреме се соочува со критики за неправилно ракување со доверливи документи во централата.
Текстот Јапонија одобри делумно рестартирање на најголемата нуклеарна централа во светот е превземен од МАКФАКС.
Би можело да ве интересира
Голема полициска акција во Берлин, уапсени членови на Хамас
Вучиќ: Во следните четири години ќе се скрши судбината на Србија, изборите не се игра
Ким Џонг-ун ѝ подари луксузна куќа на својата омилена ТВ водителка
Двојно убиство во Германија, убиецот во бегство
За првпат во историјата ќе биде формирана израелска влада со поддршка од арапска партија
Европската комисија исплати нови 14 милијарди евра помош за земјите членки
