пред 3 години Јужна и Северна Кореја ја обновија комуникацијата, а двајцата лидери се согласија да ја вратат довербата и да ги подобрат врските, соопшти вчера вечер владината канцеларија во Сеул.
Севернокорејските државни медиуми исто така објавија дека сите меѓукорејски канали за комуникација биле повторно отворени во вторникот во 10 часот во согласност со договорот на лидерите.
Јужнокорејскиот претседател Мун Џае-ин и севернокорејскиот лидер Ким Џонг-ун разменија повеќе писма од април и се согласија да воспостават телефонска линија, соопшти канцеларијата на јужнокорејската влада.
Северна Кореја ја прекина таа „жешка линија“ во јуни 2020 година затоа што прекуграничните врски се расипаа по неуспешниот втор самит во февруари 2019 година помеѓу Ким и поранешниот американски претседател Доналд Трамп, кому Мун му понуди да посредува.
Мун повика на обновување на „жешката линија“ и разговори, полагајќи големи надежи во американскиот претседател Џо Бајден тој да ги започне преговорите насочени кон разбивање на нуклеарната и ракетната програма на Северна Кореја.
Би можело да ве интересира
Илјадници Украинци и Полјаци на ЛГБТ парадата во Варшава: „Русија ни ја одзеде поворката“
Две лица загинаа по пукање во супермаркет во Германија
Градоначалник на град од Нигерија и неговиот возач уапсени за шверц на кокаин
Иран остро кон Америка: Не сте повикани да коментирате за нашите избори
Израел по бомбардирањето: Тел Авив во урнатини, децата сами на улица
Француски министри под истрага затоа што јаделе во тајни ресторани
