пред 2 часа Условите на примирјето меѓу Соединетите Американски Држави и Иран се многу јасни и САД мора да изберат дали сакаат прекин на огнот или не, изјави денес иранскиот министер за надворешни работи, Абас Аракчи.
„Иранско-американските услови се јасни и експлицитни. САД мора да изберат, или ќе има прекин на огнот или продолжување на војната преку Израел. Тие не можат да ги имаат и двете“, напиша Аракчи на својот профил на мрежата Икс. Тој истакна дека целиот свет ги гледа масакрите во Либан.
„Топката е во дворот на Америка, а светот гледа дали ќе се држи до своите обврски“, објави Аракчи.
Претходно, Иран прогласи „историска и разорна победа“ над САД и Израел по 40 дена војна, велејќи дека Вашингтон бил принуден да прифати ирански предлог кој вклучувал прекин на огнот, укинување на санкциите и повлекување на американските борбени сили од регионот.
И покрај прекинот на огнот, израелските сили започнаа жестоки напади врз Либан, погодувајќи 100 цели во рок од 10 минути. Во нападите загинаа најмалку 254 Либанци, а најмалку 1.165 беа повредени, пренесуваат медиумите во светот.
Текстот Аракчи: САД треба да изберат помеѓу прекин на огнот и продолжување на војната преку Израел е превземен од МАКФАКС.
Би можело да ве интересира
Земјотрес ја погоди Хрватскa: „Како да експлодира бомба“
(Фото+видео) Хаос во Бангладеш: загинати и повредени на студентските протести, воведен полициски час
Шест лица загинаа во напад на зграда во близина на иранската амбасада во Дамаск
(Вознемирувачко видео) Надзорните камери го снимија моментот кога Хамас почна да пука во луѓето на автобуската станица
Австралија го пријави првиот случај на омикрон
Мајка во Италија напуштила бебе кое имало коронавирус
