Бајден: Ако Кина нападне, САД ќе го заштитат Тајван

САД ќе застанат во одбрана на Тајван и имаат обврска да го бранат островот на кој Кина полага право, рече американскиот претседател Џо Бајден, иако Белата куќа подоцна рече дека нема промена во политиката кон островот.

„Да, ние сме должни да го сториме тоа“, одговори Бајден во Градското собрание на прашањето дали САД ќе застанат во одбрана на Тајван, кој се жали на зголемен воен и политички притисок од Пекинг да го прифати кинескиот суверенитет.

Иако Вашингтон е обврзан со закон да му обезбеди одбрана на Тајван, долго време ја следи политиката на „стратешки нејасностии“ за тоа дали да интервенира воено за да го заштити Тајван во случај на кинески напад.

Портпаролот на Белата куќа рече дека Бајден во Градското собрание не објавил промена во политиката на САД, но одби дополнително да коментира дали Бајден погрешил.

„Одбранбениот однос на САД со Тајван е во согласност со Законот за односи со Тајван. Ние ќе се придржуваме кон нашите обврски според тој закон, ќе продолжиме да ја поддржуваме самоодбраната на Тајван и ќе продолжиме да се противиме на еднострани промени во статус кво состојбата“, рече портпаролот.