Бајден: Вонредна состојба поради опасност од недостаток на струја

Американскиот претседател Џо Бајден прогласи вонредна состојба во земјата поради опасност од недостиг на капацитети за производство на електрична енергија и го продолжи ослободувањето од давачки за увоз на соларни панели од Азија, соопшти Белата куќа.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Електричната енергија е основен дел од модерниот живот кој ги снабдува домовите, компаниите и индустријата. Таа е од клучно значење за функционирањето на главните сектори на економијата, вклучувајќи ги болниците, училиштата, јавниот транспорт и одбраната. Дури и изолираните прекини на електрична енергија можат да имаат катастрофални здравствени и економски последици“, рече Бајден, се вели во соопштението на Белата куќа.

Тој нагласува дека сега е потребен силен и доверлив енергетски систем и дека тоа не е само основна човечка потреба, туку е од клучно значење за националната безбедност и прашањето за одбраната.