пред 3 години Во своето обраќање од Белата куќа, американскиот претседател Џо Бајден ги истакна своите планови да понуди поголема поддршка за Украина.
var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);
Тој побара од Конгресот 33 милијарди долари воена, економска и хуманитарна помош за поддршка на Украина „во следните пет месеци“.
Пакетот вклучува повеќе од 20 милијарди долари воена помош, 8,5 милијарди долари економска помош и 3 милијарди долари хуманитарна помош.
Тој вели дека е од клучно значење Конгресот да одобри дополнителни 33 милијарди долари финансирање што е можно поскоро. Бајден вели дека поддршката за Украина „не е евтина“, но дека САД не можат да „стојат на страна“.
Тој додаде дека САД не ја напаѓаат Русија, туку и помагаат на Украина да се одбрани од руската агресија.
– Додека Путин реши да ја започне оваа брутална инвазија, можеше да донесе одлука да ја прекине. Русија е агресорот и светот мора и ќе ја смета Русија одговорна – рече Бајден.
Тој вели дека руската инвазија носи огромна човечка цена во ужасни докази за злосторства и воени злосторства во областите што се обидуваат да ги контролираат.
Бајден вели дека „благодарение на помошта што ја пруживме, руските сили мораа да се повлечат од Киев“.
Но, американскиот претседател предупредува дека тоа не значи дека руската армија нема да се врати. Затоа, вели тој, дополнителната воена и финансиска помош е важна за Украина.