Блинкен: Буча прикажува намерна кампања на убиства, мачење, силување, злосторства

Ентони Блинкен, државен секретар на САД, ја коментираше ситуацијата во Буча.

„Она што го видовме во Буча не е случаен чин на одметничка единица. Тоа е намерна кампања на убивање, мачење, силување, извршување злосторства. Извештаите се повеќе од веродостојни. Доказите се таму за светот да ги види. Тоа ја зајакнува нашата решеност и определбата на земјите ширум светот да се погрижат на еден или друг начин, еден или друг ден, да има одговорност за оние кои ги извршиле овие дела“, рече тој.

Блинкен беше експлицитно прашан дали САД имаат докази кои ги поврзуваат високите руски функционери со наредбите или сознанијата за актите. Тој не го потврди тоа.

„Работиме, како и другите, на собирање докази за поддршка на напорите на оние што истражуваат. Рековме пред агресијата дека очекуваме да бидат извршени злосторства“, рече тој.