пред 2 години Британскиот премиер Борис Џонсон денеска им се извини на пратениците за кршење на ограничувањата за време на вонредната состојба што ја воведе како премиер поради пандемијата на коронавирус.
Имено, Џонсон денеска за прв пат јавно го коментираше инцидентот од минатата недела кога полицијата го казни за роденденскиот собир што беше организиран во негова чест на 13 април 2020 година во Даунинг стрит.
Во тоа време, големите собири во затворен простор беа забранети.
Тој денеска покрај извинувањето рече дека не знаел дека забавата била организирана незаконски.
Џонсон им понуди искрено извинување на британските пратеници, пренесува Си-Ен-Ен и посочи дека „не му паднало на памет ниту тогаш ниту подоцна“ дека собирот „може да биде еднаков на кршење на правилата“.
Си-Ен-Ен потсетува дека полицијата сè уште истражува други собири во британската влада за време на пандемијата, па Џонсон би можел да добие повеќе казни во наредните недели.
Би можело да ве интересира
ОН: Во Украина убиени 136 цивили, меѓу кои 13 деца
Од Македонија се најголем дел од повратниците кои го „увезуваат“ коронавирусот во Австрија
И во Хрватска се води истрага за смртен случај по прием на вакцина од „Астразенека“
Во САД одобрена употребата на вакцината на „Џонсон и Џонсон“
Британија ги смени законите за „локдаун“ – можно затворање на рестораните и продавниците до 17 јули
Малта: Авион вратен поради патничка која одбила да носи маска
