(Видео) Вонредна состојба во Кентаки по серијата торнада во САД, бројот на жртви расте

Американскиот претседател Џозеф Бајден прогласи вонредна состојба во Кентаки откако најмалку 70 лица загинаа во сојузната држава како последица на торнадото, според новите информации.

Бајден нареди федералните ресурси да се насочат кон најпотребните локации, а претходно разговараше со гувернерите на пет држави погодени од невремето, Арканзас, Илиноис, Кентаки, Мисури и Тенеси, за да изрази сочувство и да ја потврди посветеноста за брза испорака на помош.

Во разорните бури што ги погодија американскиот Среден Запад и Југоисток, кои Бајден ги нарече „незамислива трагедија“, има повеќе жртви, а причинета е голема материјална штета.

Some of the worst destruction from the Kentucky tornado was centered in Mayfield, a town of nearly 10,000 people. At least 110 people were huddled inside a candle factory in the area when a tornado ripped through. https://t.co/1VRJZXLBWw pic.twitter.com/Mh3i3oEzZa

— The New York Times (@nytimes) December 11, 2021

Серија торнада ги уништија централните и јужните делови на САД во текот на викендот. Урнати се згради, уништени домови, а неколку десетици луѓе трагично ги загубија животите. Властите стравуваат дека бројот на жртви ќе расте.

Total destruction in Kentucky after tornado. At least 70 deaths are feared, the governor says. https://t.co/bDDqIPMwpi pic.twitter.com/8svlT32LVs

— CNN (@CNN) December 11, 2021

Гувернерот на Кентаки, Енди Башир, изјави дека повеќе од 70 починале во една од најтешките ноќи во историјата на Кентаки. Луѓето беа оставени на милост и немилост на ураганските ветрови, а многумина не успеаја да ги спасат своите најблиски.

Повеќе од 30 торнада се пријавени во најмалку шест држави, вклучувајќи ги Мисури, Тенеси и Мисисипи.

„Прилично сум сигурен дека бројот на загинати може да надмине 100 пред крајот на денот. Нивото на уништување е различно од се што сум видел“, предупреди гувернерот Башир.