пред 2 години Најмалку 27 лица загинаа во пожар што зафати психијатриска болница во јапонскиот град Осака. Полицијата се сомнева дека пожарот е подметнат.
Официјалните лица соопштија дека уште едно лице е повредено.
Полицијата го истражува подметнувањето пожарот и наводите дека маж ја запалил зградата, соопшти локална агенција, повикувајќи се на истражителите.
Други локални медиуми јавуваат дека постар маж донел кеса од која истекувала запалива течност и потоа избил пожар. Оттаму додаваат дека се верува оти се работи за пациент на оваа институција.
Пожарот избувнал веднаш по отворањето на клиниката во 10:00 часот по локално време и во најголем дел бил изгаснат по 30 минути, јавува јавниот сервис НХК.
Во зградата каде што избувна пожарот има и салон за убавина, продавница за облека и училиште за англиски јазик.
Веб-страницата на клиниката не е достапна, но онлајн архивата наведува дека лекува пациенти кои страдаат од депресија, проблеми со паника, нарушувања на спиењето и анемија.
Би можело да ве интересира
Лав избега од циркус во близина на Рим, жителите на италијански град повикани да останат дома
Русија забрани летови на британски авиокомпании
Во Италија од денеска без маски на отворено
(Видео) Апсења во Рим по хаосот на протестите против задолжителни ковид-сертификати
Институтот „Роберт Кох“: 98,5 проценти од починатите од ковид се невакцинирани
Влез во Словенија без карантин и за вакцинираните со „спутник В“ и „Џонсон и Џонсон“
