(Видео) Еруптира вулканот Етна во Италија

Најголемиот активен вулкан во Европа, Етна на Сицилија, еруптираше во текот на ноќта и исфрли пепел и лава во висина и до 100 метри.

Активноста на вулканот на неговиот југоисточен кратер е забележана во неделата во 21.20 часот, а за еден час и половина, интензитетот на експлозиите се засилил од среден до многу голем, пренесува британски Сан.

? Les images d’une nouvelle éruption de l’Etna en Sicile et d’impressionnantes fontaines de lave pic.twitter.com/9BdHi3fHYn

— BFMTV (@BFMTV) December 14, 2020

Советодавниот центар за вулкани од Тулуз објави дека од кратерот излегле фонтани со лава високи и до 100 метри, густиот пепел се издигнал до пет километри, а пепелта паднала врз селата и градовите јужно од вулканот.

Исто така, беше соопштено дека звуците од вулканот се слушале дури до Калабрија, како и дека е регистриран земјотрес со јачина од 2,7 степени на падините на планината Етна, но не е познато со што е поврзан.

Etna, eruzione nella notte: pioggia di cenere su Catania, auto e strade «annerite» https://t.co/vDpoIuQdxp

— Gazzettino (@Gazzettino) December 14, 2020

Во минатото, најголемите ерупции на вулканот Етна биле во 12 и 17 век, кога починале 15.000 луѓе, односно биле уништени 15 села.