(Видео) Еруптира вулканот Етна во Италија

пред 3 години

Најголемиот активен вулкан во Европа, Етна на Сицилија, еруптираше во текот на ноќта и исфрли пепел и лава во висина и до 100 метри.

Активноста на вулканот на неговиот југоисточен кратер е забележана во неделата во 21.20 часот, а за еден час и половина, интензитетот на експлозиите се засилил од среден до многу голем, пренесува британски Сан.

Советодавниот центар за вулкани од Тулуз објави дека од кратерот излегле фонтани со лава високи и до 100 метри, густиот пепел се издигнал до пет километри, а пепелта паднала врз селата и градовите јужно од вулканот.

Исто така, беше соопштено дека звуците од вулканот се слушале дури до Калабрија, како и дека е регистриран земјотрес со јачина од 2,7 степени на падините на планината Етна, но не е познато со што е поврзан.

Во минатото, најголемите ерупции на вулканот Етна биле во 12 и 17 век, кога починале 15.000 луѓе, односно биле уништени 15 села.

Share
Scroll to Top