(Видео) Ескалација на Блискиот Исток: танкер со над два милиони барели нафта експлодирал во Ормускиот Теснец, ракети погодија аеродром во Јемен

Две ракети паднале во областа на меѓународниот аеродром во Аден, на југот на Јемен, додека воената коалиција предводена од Саудиска Арабија соопшти дека пресретнала балистичка ракета насочена кон градот Јанбу на брегот на Црвеното Море, важен центар за извоз на нафта.

عاجل وخطير Aden

انفجارات عنيفة تهز مقر قيادة القوات السعودية في معسكر بدر بعدن باستهداف المعسكر ومخازن الأسلحة وعشرات القتلى بينهم ضباط من الصف الأول https://t.co/To517zW800

— أخبار اليمن | Yemen News (@Yemen_News0) October 16, 2026

Според Одделот за безбедност во Аден, ракетите паднале во аеродромскиот комплекс, а за нападот биле обвинети Хутите, вооружена група поврзана со Иран. Засега нема пријавени жртви. Во моментот на нападот, авион на авиокомпанијата „Јеменија ервејс“, кој требало да лета за Каиро, се подготвувал за полетување.

Од безбедносниот оддел наведуваат дека ова е втор напад врз аеродромот за помалку од една недела. Хутите веднаш не ја презедоа одговорноста за нападот.

Пресретнати ракети и беспилотни летала

Воената коалиција предводена од Саудиска Арабија соопшти дека, покрај балистичката ракета насочена кон Јанбу, уништила и две крстосувачки ракети над Црвеното Море, како и три беспилотни летала во јужниот дел на земјата и во регионот на Ријад. Коалицијата не ги идентификуваше одговорните за нападите.

Yemen’s Ansar Allah has reportedly TARGETED and HIT the Command Center of the Saudi backed coalition in Aden, Yemen

They have also reportedly hit weapons depots within the camp. https://t.co/YldQDMwzRX

— Ryan Rozbiani (@RyanRozbiani) October 16, 2026

Јанбу е важна точка за извоз на саудиската сурова нафта преку Црвеното Море, со што се овозможува транспортот до меѓународните пазари без минување низ Ормускиот Теснец. Поради воените тензии во регионот и ограничувањата на пловидбата низ овој стратешки поморски премин, расте загриженоста за стабилноста на глобалното снабдување со енергенси.

Цената на нафтата достигна 110 долари за барел

Зголемените безбедносни ризици на Блискиот Исток влијаат и врз енергетските пазари. Цената на суровата нафта „брент“ во петокот накратко достигна 110 долари за барел, за првпат од мај годинава.

Саудиските власти во саботата издадоа предупредување за опасност во градот Абха, на југозападот на земјата, во близина на границата со Јемен, по што соопштија дека опасноста поминала. Претходно биле издадени слични предупредувања и во регионот Џизан и во градот Хамис Мушаит.

Во меѓувреме, медиумите поврзани со Хутите известија за напади источно од градот Саада, во северозападниот дел на Јемен. Коалицијата предводена од Саудиска Арабија соопшти дека уништила два лансери за балистички ракети во таа област.

Продолжувањето на борбите меѓу Хутите и силите поддржани од Саудиска Арабија дополнително ја зголемува загриженоста за влошување на хуманитарната криза во Јемен, на што предупредуваат и хуманитарните организации.

Иранската револуционерна гарда тврди дека танкер експлодирал во Ормускиот Теснец

Во меѓувреме, иранската револуционерна гарда соопшти дека нафтен танкер експлодирал и се запалил откако удрил во морска мина при пловидба низ Ормускиот Теснец, објавија иранските медиуми.

Oil Tanker explodes in Strait of Hormuz after hitting naval mine: IRGC

Follow: https://t.co/GHI09iAGh2 https://t.co/jqst42w2vD

— Press TV (@PressTV) October 17, 2026

Според извештаите, танкерот превезувал повеќе од два милиони барели сурова нафта. Иранската страна тврди дека бродот се обидувал да помине низ стратешкиот поморски премин без одобрение.

Тврдењата за инцидентот со танкерот засега се припишуваат на иранските извори и не се независно потврдени.

Текстот (Видео) Ескалација на Блискиот Исток: танкер со над два милиони барели нафта експлодирал во Ормускиот Теснец, ракети погодија аеродром во Јемен е превземен од МАКФАКС.