(Видео) На веб-страницата на Белата куќа се појавија видео-игри, играчите депортираат мигранти

Белата куќа лансираше веб-страница со ретро аркадни игри во кои играчите фаќаат мигранти и градат граничен ѕид. Пет класични компјутерски игри се адаптирани за програмата Make America Great Again (MAGA) и објавени на официјалната веб-страница на Белата куќа, објавува The Telegraph.

Адаптирани класици со политичка порака
Верзијата на легендарната игра Snake се вика Rio Run, а во неа дигиталниот лик на „царот на границата“ Том Хоман лови мигранти по должината на реката Рио Гранде. Мигрантите се прикажани како членови на различни етнички групи. Откако играчот ќе ги фати, тие се појавуваат во портокалови комбинезони, а играта брои колку од нив се депортирани.

@WhiteHouse just released fun retro arcade games for the whole family at https://t.co/TWdFjorYnM While you’re there learn about beautifying the Capitol and Trump accounts! #MAGA @elonmusk @realDonaldTrump @JDVance pic.twitter.com/kfm8KcuJxI

— BPT (@BrooksThornhill) September 4, 2026

Популарниот Тетрис е преработен во играта Build The Wall, која ги охрабрува играчите да ја „заштитат границата од претстојната орда“ со редење блокови што паѓаат.

Меѓу насловите е и „Trump Savings Tycoon“, игра во која играчите собираат пари што летаат низ воздухот за да ги полнат сметките на Трамп за своите деца, што е референца на планот за штедење што нуди 1.000 долари за секое дете родено за време на претседателствувањето на Доналд Трамп.

Easily distracted? We might have the solution.https://t.co/qIR69AxSnm pic.twitter.com/xfmEeTDl0J

— The White House (@WhiteHouse) September 4, 2026

Исто така, постои и играта „Supply Line“, игра во која играчите ја одделуваат здравата од нездравата храна за училишни оброци за да ги исполнат стандардите на „Make America Healthy Again“, и верзија на играта „Flappy Bird“ во која белоглав орел лета над Националниот мол во Вашингтон.

Текстот (Видео) На веб-страницата на Белата куќа се појавија видео-игри, играчите депортираат мигранти е превземен од МАКФАКС.