(Видео) Огнот се шири, нов пожар избувна во Грција: на сила строга забрана за жителите, голем број служби за итни случаи се борат со огнената стихија

Пожарите се уште се активни во неколку области во Грција трет ден, а пожарот во јужниот дел на Ретимно на Крит им предизвикува најголеми проблеми на пожарникарите.

Екипите на терен се обидуваат да го локализираат главниот пожарен фронт во областа Агија Параскеви, додека нов пожар е регистриран во Аркадија. Пожарот на Парос повторно се активирал.

WATCH : A huge forest fire broke out on the Greek island of Crete.

Hundreds of tourists were safely moved out of resorts and central areas as strong winds quickly pushed the flames toward hotels. https://t.co/1bbOQOSsuh pic.twitter.com/6Um3Vnoxal

— Inside the conflict (@InsidConflict) July 30, 2026

Според информациите од Координативниот центар, гаснењето на пожарот во Ретимно е отежнато од силните ветрови и непристапниот терен, што доведува до повторно ширење на пожарот на одредени локации.

Δύσκολη κατάσταση στο νησί της Πάρου και συγκεκριμένα στην περιοχή Γλυφά και η Τρυπητή.

Βίντεο : ΙΩ Αννα #παρος #fire #cyclades #greece pic.twitter.com/Bgmoxv0il0

— Forecast Weather Greece (@ForecastGreece) July 30, 2026

Во областа на Ретимно, ангажирани се противпожарни екипи од различни делови на Крит, вклучувајќи пешадиски единици и членови на специјални противпожарни екипи. Во акцијата учествуваат и механизација од копно, цистерни за вода, градежни машини на локалните самоуправи, како и жители на погодените села и волонтери, објави „Прототема“.

Поради зголемениот ризик од нови пожари, властите привремено го ограничија сообраќајот и престојот на граѓаните во одредени шумски области на Патрас. Забраната важи од 21:00 до 06:00 часот и се однесува на неколку шумски патишта и заштитени зони. Исклучени се постојаните жители, вработените, сопствениците на земјиште, сточарите и луѓето што ги користат главните патни правци.

Нов пожар избувна во шумската област Фалаиси, во општината Мегалополис во Аркадија.

Според податоците на противпожарната служба, пожарот е пријавен околу 23.10 часот, а на терен се распоредени 48 пожарникари, три пешадиски единици и 12 противпожарни возила.

Текстот (Видео) Огнот се шири, нов пожар избувна во Грција: на сила строга забрана за жителите, голем број служби за итни случаи се борат со огнената стихија е превземен од МАКФАКС.