(Видео) Се урна воен авион со 32 лица во Нигерија

Воен авион со 32 лица денеска се урна во јужниот дел на Нигерија, а засега нема информации за евентуални жртви, пренесе агенцијата АП.

По несреќата на авионот, во кој имало 25 патници и седум членови на екипажот, веднаш била започната операција за пребарување и спасување, соопштија властите.

BREAKING: Nigerian military aircraft NGR 931 crashed near Igbokoda, Ondo State. 32 people were aboard. Local reports say all 32 may have died, but officials have yet to confirm the casualty figure as rescue operations continue. https://t.co/oQXOCDF9FN

— HINT News (@9415st) October 5, 2026

Нигерискиот министер за авијација Фестус Кејамо изјави дека авионот бил на рутински лет кон Лагос, економскиот центар на Нигерија, кога се урнал во областа Игбокода во сојузната држава Ондо.

Нигериското воено воздухопловство соопшти дека станува збор за авион од типот АТР-42 и дека веднаш била започната операција за пребарување и спасување.

Кејамо наведе дека авионот најпрво исчезнал од радар околу 9 часот наутро по локално време, а потоа било утврдено дека се урнал приближно на половина пат меѓу сојузната држава Едо и Лагос.

Текстот (Видео) Се урна воен авион со 32 лица во Нигерија е превземен од МАКФАКС.