пред 3 години Вител од ветер рано утринава усмрти маж на југот на Сицилија и оштети бројни имоти, додека обилните дождови ги поплавија улиците и ги принудија властите да ги затворат училиштата, пишуваат медиумите во таа земја.
Ова е втор пат за само еден месец екстремно лошо време да го погоди овој медитерански остров, по реткиот ураган што кон крајот на октомври погоди делови од западна Сицилија, јавуваат агенциите.
50-годишен маж загинал од силниот ветер додека ја напуштал својата куќа во близина на Рагуза рано изутрината, соопшти локалната служба за цивилна заштита, а фотографиите од тоа подрачје покажуваат дека ветрот превртел комбе и разнел прозорци во многу куќи.
Од утрово ширум регионот дуваат силни ветрови, а обилните дождови предизвикаа поројни поплави во повеќе градови.
Во август, Сицилија ја регистрираше највисоката температура досега забележана во Европа од дури 48,8 степени Целзиусови, а локалните власти потврдија дека температурите на морето околу островот биле невообичаено високи оваа есен, што поттикнало формирање на силни бури.
Би можело да ве интересира
Хамнеи му порача на Хамас: Нема да војуваме против Израел во ваше име
Бајден ги продолжува вонредните мерки за Западен Балкан
Нападнат руски нобеловец – напаѓачите извикувале „за нашите момци“
Во Бугарија рекорден број заразени и починати од коронавирус
Американците до септември ќе носат маски во јавниот превоз
Ватикан: Свештениците не смеат да благословуваат истополови бракови
