пред 2 години Чилеанскиот претседател Габриел Бориќ (36) бил нападнат со камења за време на неговата прва официјална посета надвор од главниот град Сантијаго.
Бориќ, левичар со хрватско потекло, кој ја презеде функцијата во март, беше во градот Ла Серена, 400 километри северно од Сантијаго, а пред да влезе во зградата на регионалната влада, се приближи до железната ограда каде ги поздрави насобраните.
Камен бил фрлен од толпата и удрил во градите на шефот на кабинетот на Бориќ, пренесува Хина.
Чилеанскиот функционер не е повреден, извести полицијата, која исто така објави дека го уапсила демонстрантот набрзо по инцидентот и дека сега го истражуваат неговиот мотив за овој инцидент.
„ Ако некој мисли дека може да нѐ исплаши или да го промени начинот на кој сакаме да управуваме со земјата, се лаже“, рече Бориќ на прес-конференција по инцидентот.
Бориќ е најмладиот претседател во историјата на Чиле, а во првите 30 дена од неговиот мандат се соочи со зголемени цени на горивото и јавниот превоз, барање за минимална плата и претходен конфликт со домородните мапучи кои бараат автономија, враќање на земјата и признавање на културниот идентитет.
Би можело да ве интересира
Нов конфликт меѓу Киргистан и Таџикистан – шестмина повредени
И „Бионтек“ работи на потенцијална вакцина против омикрон
Во Србија целосно вакцинирани 40 проценти од населението
Прво обраќање на Бајден во Конгресот на 28 април
(Видео) Роверот „Упорност“ ги испрати првите панорамски сцени од Марс
Ковид-19 влегува во мозокот и може да биде автоимуно заболување, покажа научно истражување
