(Видео) 11 лица загинаа во ураганот Агата кој го погоди Мексико

Бројот на загинати во ураганот Агата, кој го погоди Мексико, денеска се искачи на 11, додека 20 лица се уште се водат како исчезнати, изјави гувернерот на сојузната држава Оахака на југот на земјата, Алехандро Мурат.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Тој рече дека реките во таа област се излеале од коритата и ги поплавиле нивните домови, а многу жртви биле затрупани под кал и камења, пренесува АП.

Агата е најсилниот ураган некогаш регистриран што го погоди источниот дел на Пацификот во мај.

Ураганот ги погоди туристичките плажи и рибарските градови во јужно Мексико во понеделникот, како ураган од втора класа, со ветрови од речиси 170 километри на час во близина на пацифичкиот град Пуерто Анџела, губејќи ја силата додека се движеше кон внатрешноста.