Воспитувач силувал 60 девојчиња, бакнувал и бебиња: осуден на доживотен затвор во Австралија

Поранешен воспитувач е осуден на доживотен затвор за силување и сексуално злоставување на речиси 70 девојчиња во Австралија и Европа.

Ешли Пол Грифит (47), кој е познат како еден од најлошите педофили во историјата на Австралија, признал 307 напади, кои ги извршил во центрите за згрижување деца во Квинсленд и во Европа во периодот од 2003 до 2022 година. Неговите жртви биле на возраст од една до седум години.

Судијата рече дека обемот и природата на злосторствата извршени од Грифит се ужасни. Покрај овој случај, според Би-би-си, Грифит е обвинет за злоупотреба на повеќе од 20 деца во Нов Јужен Велс и Италија.

Во Окружниот суд во Бризбејн денеска, судијата рече дека постои висок ризик од повторно прекршување во случајот на Грифит – за кого судот слушна дека има „педофилско нарушување“ – и нареди период без условно ослободување од најмалку 27 години.

Грифит првпат беше уапсен од австралиската федерална полиција во август 2022 година, а една година подоцна беше обвинет за повеќе од 1.600 сексуални престапи. Повеќето од нив на крајот беа отфрлени.

Инспекторите пронашле илјадници фотографии и видеа од насилството, кои Грифит ги направил и потоа ги објавил на dark veb. Иако лицата беа исечени од снимката, инспекторите успеаја да ги поврзат со Грифит благодарение на уникатната постелнина, која може да се види во позадината на некои од снимките. Предметната постелнина е направена специјално за Детскиот центар во Квинсленд.

Грифит признал 28 точки за силување, околу 200 случаи на несоодветно однесување кон дете и неколку други обвиненија поврзани со создавање и дистрибуција на педофилска содржина.

Четирите девојчиња идентификувани во видеата на Грифит се од Детскиот центар во Пиза, Италија. Останатите 65 жртви биле од 11 локации низ Бризбејн.

Пред изрекувањето на пресудата, судот слушнал низа емотивни изјави од некои од жртвите и нивните родители, кои не можат да се идентификуваат од правни причини. Меѓу нив имало и две сестри кои биле малтретирани во градинка, од кои едната се сеќава дека на Грифит и бил омилен воспитувач.

Друга девојка раскажала како постапките на Грифит и го одзеле нормалното детство и истакнала дека со години има психички проблеми.

„Никогаш нема да знам каков можеше да ми биде животот. Никогаш нема да знам дали можев да пораснам во личност која не се плаши од луѓе“, рекла жртвата, пренесува Guardian Australia.

Родителите зборувале низ што поминале кога дознале за страшното насилство што го доживеале нивните деца. Неколку од нив рекоа дека не можат да си простат што му верувале на Грифит.

„Мојата ќерка те сакаше како вујко и ја користеше како играчка“, рекол еден родител, додека друг рекол дека не може ништо да направи за да „го поправи она што Грифит го направил со телото на неговата ќерка“.

Многумина надвор од судот ги повикаа властите да спроведат истрага против детските центри и пошироко, бидејќи никому не му е јасно како Грифит успеал толку долго да прави злосторства без да биде откриен.

Текстот Воспитувач силувал 60 девојчиња, бакнувал и бебиња: осуден на доживотен затвор во Австралија е превземен од МАКФАКС.