Во ЕУ минатата година речиси 27 проценти од возрасните не можеле да си дозволат една недела одмор подалеку од дома

Во Европската Унија минатата година речиси 27 проценти од населението на возраст од 16 години и повеќе не можеле да си дозволат една недела годишен одмор далеку од дома, објави денес „Евростат“.

Канцеларијата на ЕУ задолжена за статистика наведува дека овој удел се намалил за 1,5-процентен поен во споредба со 2023 година и е значително помал, за 10,6-процентни поени, отколку пред десет години, во 2014 година.

Најголем удел од населението што не можело да си дозволи една недела одмор е забележан во Романија (58,6 проценти), Грција (46 проценти) и во Бугарија (41,4 процент), пренесува „Танјуг“.

Спротивно на тоа, најмал број споменати случаи е регистриран во Луксембург (8,9 проценти од луѓето), Шведска (11,6 проценти) и Холандија (13 проценти).

Текстот Во ЕУ минатата година речиси 27 проценти од возрасните не можеле да си дозволат една недела одмор подалеку од дома е превземен од МАКФАКС.