Во Србија 6.534 новозаболени од коронавирус, 55 починати

Во последните 24 часа во Србија биле тестирани 19.826 лица за коронавирусот, од нив 6.534 биле позитивни, додека починале 55 лица.

Според последните податоци на Министерството за здравство и Институтот „Батут“, во болниците низ Србија има 319 пациенти на апарати за дишење, најмногу од почетокот на епидемијата.

Кризниот штаб за борба против коронавирус се состана рано утрово, но по час и половина разгледување на епидемиолошката состојба, не беа преземени никакви мерки. Тоа најверојатно е одложено за понеделник, бидејќи постојните мерки истекуваат во вторник, на 15 декември.