Едно лице загина по уривањето на зградата во Хаг, се трага по исчезнатите

Едно лице загина, тројца се повредени, а непознат број луѓе се водат за исчезнати кога денеска се урна зграда во Хаг како последица на експлозија и пожар, изјави градоначалникот на холандскиот град.

Јан ван Занен на прес-конференцијата рече дека се верува оти другите кои исчезнале се затрупани под урнатините.

„Шансите да се најдат живи се многу мали“, рече тој.

Beelden uit Mariahoeve Den Haag: een buurtbewoner filmde de rampplek na de explosie. Die sloeg een enorme krater. pic.twitter.com/xiMJcCdjQj

— Den Haag FM (@DenHaagFM) December 7, 2024

Причината за катастрофата, која се случила нешто по 6 часот по локално време, не е позната. Ван Заен рече дека прво имало помала експлозија, а потоа и поголема.

Полицијата ги повикува сите кои виделе автомобил додека со голема брзина се оддалечува од местото на несреќата или оние кои имаат видео снимки од инцидентот да се јават.

Сликите од местото на несреќата објавени на мрежата Х се од блиската висококатница. Тие покажуваат дека делот од зградата во кој беа сместени пет стана сега е претворен во урнатини.

Sterkte aan alle betrokkenen, nabestaanden en omwonenden in Den Haag na deze verschrikkelijke explosie.

Ook veel kracht en succes gewenst aan de hulpverleners die nu keihard aan het werk zijn. 🧡 pic.twitter.com/7hkiJa1mOW

— DutchLGB (@DutchLGB) December 7, 2024

Премиерот Дик Шуф ​​рече дека е шокиран од веста и им понуди помош на локалните власти.

Текстот Едно лице загина по уривањето на зградата во Хаг, се трага по исчезнатите е превземен од МАКФАКС.