пред 3 години Турскиот претседател Реџеп Таип Ердоган најави олеснување на ограничувањата воведени за да се спречи ширењето на коронавирусот во неколку провинции кои се категоризираат како провинции со ниско или средно ниво на зараза.
Ердоган вчера рече дека кафулињата и рестораните ќе можат повторно да работат со половина капацитет помеѓу 7:00 и 19:30 часот, освен оние лоцирани во 17 региони кои се категоризираат како многу ризични, објави АП.
Полицискиот час во текот на работните денови ќе продолжи да важи низ цела Турција, како дел од владината програма за контролирана нормализација, рече тој.
Училиштата повторно ќе се отворат во региони со низок и среден ризик, рече Ердоган. Во другите региони, само учениците кои се подготвуваат за приемни испити во средните училишта или универзитети, повторно ќе седнат во училишните клупи.
Турција во последните денови забележа највисоко ниво на зараза од средината на јануари.
Од почетокот на пандемијата на коронавирусот во Турција се регистрирани повеќе од 2,7 милиони случаи на Ковид-19 и околу 28.500 смртни случаи.
Би можело да ве интересира
Рускиот портпарол: Можеби ќе го одблокираме Инстаграм
Шолц со одговор на критиките: Одлуките ги носам во договор со моите сојузници
Британците се подготвуваат за живот со корона – од следната недела без маски и работа од дома
Птичји грип се шири во Европа
Лавров ја отфрли можноста за прекројување на границите на Балканот
Уапсени 12 лица поради терористичкиот напад во Виена, еден од Косово и едно 16-годишно момче
