пред 4 години Европската комисија усвои правило за задолжително одобрение за извоз на вакцини против Ковид-19, за оние кои се произведуваат на територијата на ЕУ и кои се однапред договорени.
Комисијата наведува дека земјите од соседството на ЕУ и оние опфатени со механизмот КОВАКС ќе бидат изземени од таа мерка.
„ЕУ целосно ќе ги почитува своите хуманитарни обврски и ќе обезбеди вакцини ветени на други земји“, наведе Комисијата.
Потпретседателот на ЕК, Валдис Домбровскис, рече дека мерката за авторизација на извоз е донесена по итна постапка, а целта е веднаш да се обезбеди целосна транспарентност во врска со производството на вакцини и нивната испорака, но и да се обезбеди испорака на нарачани вакцини од страна на ЕУ.
„Вакцините се клучни за закрепнување на економијата и завршување на пандемијата. Испораката до нашите граѓани е најважната задача во моментот. Сакаме да обезбедиме да се испчитуваат сите договори за однапред порачани вакцини“, нагласи Домбровскис.
ЕК наведува дека оваа мерка е ограничена до крајот на март и дека се однесува исклучиво на вакцините против Ковид-19 договорени во потпишаните договори за набавка.
Би можело да ве интересира
Шаленберг: Интеграцијата на Западен Балкан во ЕУ е важна за спречување на дестабилизација
Докторка во Австрија ампутирала погрешна нога на пациент
Се влошува глобалниот недостиг од компјутерски чипови – се затвораат фабрики за автомобили
Србија ги отвора трговските центри на 12 април, а училиштата од 19 април
Новиот вид коронавирус зарази и вакцинирани луѓе во старски дом во Германија
Јужна Кореја до ноември планира да вакцинира 80 отсто од населението
