Захарова: Третата светска војна можеби веќе е во тек

Портпаролката на руското Министерство за надворешни работи, Марија Захарова, смета дека не треба да се зборува за тоа дали ќе избие Трета светска војна, туку за тоа како да се спречи.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Дали е можна Трета светска војна? Можеби веќе е во тек. Каква форма ќе има? Ова се теми за кои многумина разговараат. Наместо да зборуваме за Трета светска војна, подобро е да разговараме за тоа како да ја спречиме“, рече Захарова .

Таа нагласи дека Москва со години укажува оти меѓународното право и Обединетите нации треба да служат како заштитна мрежа против Третата светска војна.

Захарова, исто така, истакна дека Русија веќе три или четири години ја забележува желбата на Западот да го избрише меѓународното право и наместо тоа да воведе светски поредок заснован на сопствени правила, пренесува руската агенција ТАСС.

„Ова е крајно опасно бидејќи подразбира диктатура на една група земји и се заканува да ја наруши рамнотежата во целиот свет, притоа спречувајќи ги другите земји да ги следат нивните интереси. Секоја земја има право на суверена надворешна и внатрешна политика, на законска одбрана на нејзините интереси“, рече Захарова.

„Кога група земји ќе ја преземе власта или ќе се стреми да ја преземе, може да се очекуваат многу проблеми“, заклучи портпаролката на руското МНР.