Зеленски: Средбата со Трамп беше добра и продуктивна

Новоизбраниот американски претседател Доналд Трамп, францускиот претседател Емануел Макрон и украинскиот лидер Володимир Зеленски се сретнаа денеска во Париз, пред свеченото отворање на катедралата Нотр Дам.

Макрон го свика трилатералниот состанок додека во исто време беше домаќин на вечерна церемонија на која се слави реставрацијата на катедралата пет години откако беше уништена од пожар.

Претседателот Зеленски и европските лидери изразија загриженост дека Трамп би можел да ја повлече американската воена помош за Украина во клучен момент во нејзината борба против руската инвазија.

Трамп, кој се враќа на светската сцена пред да ја преземе функцијата следниот месец, му даде цврсто ракување на Зеленски и го потапка по грбот, пред Макрон да влезе меѓу нив и да се фотографира. Ова е прво патување на Трамп во странство по победата на претседателските избори минатиот месец, додека патувањето во Париз се смета за рана можност за Макрон да ја игра улогата на посредник меѓу Европа и Трамп, улога што францускиот претседател ја уживаше во минатото.

Макрон е силен поддржувач на НАТО алијансата и на украинската борба, додека Трамп смета дека европските земји треба да платат повеќе за нивната заедничка одбрана. Тој рече дека треба да се преговара за крајот на војната.

Украинскиот претседател Зеленски изјави дека средбата со Трамп и Макрон била „добра и продуктивна“.

„Сите сакаме оваа војна да заврши што е можно поскоро на фер начин. Разговаравме за нашиот народ, за ситуацијата на теренот и за праведен мир“, напиша Зеленски на „Икс“.

Да продолжиме со заедничката акција за мир и безбедност, рече шефот на француската држава по собирот Зеленски и Трамп во Елисејската сала.

Текстот Зеленски: Средбата со Трамп беше добра и продуктивна е превземен од МАКФАКС.