Зеленски ѝ одговори на Ле Пен: Придонесуваме за Европа

Украинскиот претседател Володимир Зеленски одговори на најавата на француската претседателка Марин Ле Пен дека Франција ќе ја прекине финансиската помош за Украина.

Зеленски рече дека Европа има корист од военото искуство на Украина. „Украина ќе обезбеди безбедност за возврат. Станува збор за безбедност и искуство, а нивната цена не е толку висока како цената на човечките животи. Затоа мислам дека г-ѓа Ле Пен не е доволно запознаена со некои детали. Ние, пак, придонесуваме, а тоа е многу важно“, изјави Зеленски за „Фајненшл тајмс“.

„Повеќе не можеме да ја финансираме Украина. Франција денес е во исклучително опасна ситуација“, рече Ле Пен вчера во Брисел, осврнувајќи се на високиот дефицит на земјата и слабиот економски раст.

Ле Пен постојано изјавува дека ќе ја прекине финансиската помош за Украина ако биде избрана за претседател на Франција следната година. Сепак, таа посочи дека Франција би можела да продолжи да ја обучува украинската војска и да ѝ обезбедува помош што не вклучува директна финансиска поддршка.

Зеленски нагласи дека европските вооружени сили и одбранбените индустрии, вклучително и Франција, имаат корист од искуството на Украина на бојното поле. „Сите победуваат“, рече тој.

Тој рече дека Ле Пен треба да продолжи да ја поддржува Украина затоа што искуството на Украина придонесува за ефикасноста на системот за воздушна одбрана SAMP/T, кој беше заеднички развиен од Франција и Италија и моментално се користи во воено разорената Украина.

„Заедно со француските експерти, направивме многу различни промени затоа што видоа како функционираше системот порано и како функционира сега. Француската индустрија може да има само корист од овие технологии, соработка и заедничко производство. Нема да гласам за неа затоа што сум Украинец“, се пошегува Зеленски.

Текстот Зеленски ѝ одговори на Ле Пен: Придонесуваме за Европа е превземен од МАКФАКС.