ИДФ потврди: Хамас ослободи 10 Израелци, двајца странски државјани

Израелските одбранбени сили потврдуваат дека Хамас му предал 12 заложници на Црвениот крст за да бидат префрлени во Израел.

„Врз основа на информациите добиени од Црвениот крст, 12 заложници – меѓу кои десет Израелци и двајца странски државјани – се на пат кон израелска територија“, се вели во краткото соопштение на ИДФ.

#عاجل | بشكل مشترك.. كتائب القسام وسرايا القدس تسلّمان الدفعة الخامسة من الأسرى الصهاينة في قطاع غزة، ضمن اتفاق التهدئة. pic.twitter.com/Qp79A35m23

— وكالة شهاب للأنباء (@ShehabAgency) November 28, 2023

Десет израелски заложници се префрлени од Хамас во Црвениот крст, потврди и портпаролот на Министерството за надворешни работи на Катар, додавајќи дека е ослободен и еден филипински државјанин.

Меѓу ослободените израелски заложници има девет жени и едно дете.

Во замена за заложниците, 30 палестински затвореници ќе бидат ослободени од Израел подоцна денеска, рече портпаролот.

Текстот ИДФ потврди: Хамас ослободи 10 Израелци, двајца странски државјани е превземен од МАКФАКС.